My 21 BRAVEST guns honour

April 16, 2016

my 21 honours'

Gumising ako ng may sama ng loob sa aking puso. Aaminin ko na hindi maayos ang pagkakatulog ko dahil sa sakit na nararamdaman. Una, Mababa si Daryll sa ESP subjek at hindi ko nakita iyon. Ikalawa, Nagtatampo si Ella kung bakit si Daryll ay napayagang mag-destinction kahit siya ay mababa sa ESP. Ikatlo, naiinis ako kay Sir Rhen dahil sa pagiging mababa niyang pagbigay ng grade sa Cluster B. Ikaapat, Utang-uta na ko sa sistema nararanasan ko sa pusang inahit na edukasyon sa aking trabaho bilang isang titser.

Young Archers

Namumugto ang aking mata dahil sa mga luhang iniyak ko kagabi. Matamlay ang umaga ko at paputol-putol ang bawat paghinga. Balisa ako ngayong umaga. Kailangan ko mahanap si Ms. Diana para mapabago ko ang grade ni Daryll. Nagkasalubong kami ni Mam Yolly, ngunit ayaw ko siyang kausapin dahil naaburido lamang ako sa kanya.

Hindi ko alam kung anong paraan ang gagawin ko sa 7B, ako mismo ay nahihirapan. Nagtatanong kung bakit nga ba ganito ang nais mangyari sa akin. Kailangan bang masaktan bago ka matuto? Bakit ganito ang buhay ng isang guro.

Masaya na akong makita ang mga anak ko sa 7B na sila ay pinaparangalan dahil sa kanilang hirap na ginagawa sa kanilang pag-aaral. Gusto kong masilayan ang kanilang mga ngiti na gumuguhit sa kanilang labi. Gusto kong marinig sa kanilang labi na sila ay nagagalak dahil sa gantimpala na kanilang nakamit at bunga ng pagmamalasakit sa kanilang pag-aaral at para sa kinabukasan ng ating bayan. Sila ang mga kabataaan na bubuo ng henerasyon para sa bukas.

Sir Mond feeling Proud :D

Pumunta kami nina Abeh at Julia sa Yellow Cab upang bumili ng pizza para sa 7B labis akong natuwa dahil kahit papaano naigala ko ang dalawa sa nalulugmok na sitwasyon na nangyayari sa ULS. Dahil nakakatamad panoorin ang isang kadamakmak na bata pinaparangalan na hindi mo naman alam kung nagpurisigido ba sa pag-aaral o umasa na lamang sa mataas na grade pero wala namang natutunan.

Gayunpaman. Humihingi ako ng patawad sa aking mga anak sa 7B na sana na maging bukas ang isipan nila sa mga pangyayaring nagaganap sa ating lipunan na ginagalawan. Huwag makakalimot na dalawin ako kahit sila ay Grade 8 na. Ipinagbubunyi ko ang karangalang natamo ninyo sa inyong pag-aaral. Mahal na mahal ko kayo mga anak 7B.