Hindi lahat ng gusto mo ay GUSTO ko!

Campus Journalism 2011

Position as Copy Editor

Entry for Essay

Hindi lahat ng gusto mo ay GUSTO ko!

Raymond Verana

                Minsan nakatutulig na sa tenga ang mgasinasabi ng mga Propesor, halimbawa si Ms. Reading “Pls. read your book on pages 46-96 for the recitation tomorrow” at ito pa si Ms. Reaction “Make a reaction paper regarding on what have we watched today, make it 5 pages, Arial 11 and single space” at syempre hindi rin magpapahuli si Mr. Talkative na puro salita ng salita pero hindi maintindihan ang sinasabi niya dahil wala naman konekta sa lesson namin. Ito pa ang malupit na Propesor na ayaw magpahuli si Ms. Presentation “I need your presentation on Friday, that would be your Midterm Examination!” Gusto ko sanang sabihin sa kanya, “Ma’am Monday? Eh Wednesday pa lang tapos Friday presentation at Midterm Exam. Wow! Ano kami si Superman at Wonderwoman at kayang gawin ang lahat ng gusto mo!” Gusto magrebelde ng utak ko at mag-rally sa loob ng klasrum at isigaw “Ibagsak ang mabalasik at maladikdaturyang pamamahala!.”

                Isang araw, habang nakaupo ang aming Propessor na si Ms. Technology bigla nakita niya ang klasmeyt ko “Felix Navidad, bakit lagi kang absent at wala kang pinapasang mga assignment at project... Sabagay bagasak ka na pala at i-retake mo na lang ito sa next semester.” Astig ng Propesor namin, bagsak kaagad at wala kang panahon upang ipaliwanag ang mga dahilan kung bakit ka absent. Dinaig pa niya si Bin Laden patay ka kaagad!

                Umiinit na ang ulo ko at naaburido na ako sa mga Propesor ko tulad nina Ms. Reading, Ms. Reaction, Mr. Talkative, Ms. Presentation at Ms. Technology itolang ang gusto kong sabihin sa inyo, “Hindi lahat ng gusto mo ay gusto ko! Kuha mo?” Itinutulak ninyo ako sa maling pamamaraan, maling pamumunong buhay ko, ano ba ang sa tingin ninyo sa sarili ninyo kayo si President Marcos at Gloria at para maging tuta na sunod-sunuran sa inyo. Ipinanganak ako ng Nanay ko upang magkaroon ng kaalaman at magamit ko ang Edukasyon sa buhay ko. Sa inyo na ang katalinuhang kulang sa puso, pero sa akin ang karapatan.

                Dahil nagbago na ang panahon iba na ngayon ang pamantayan sa talino, kapag sa ulo mo ang buong libro, kapag nagsasalita ka ng Ingles, kapag plastik ka sa harap ng titser at klasmeyt mo at higit sa lahat kung sunod-sunuran ka sa titser mong kamukha si Gloria at Marcos.

                Dahil Luntian kaming naturingan, nasaan na ang ipinagmamalaking mong “Teaching mind o Torture mind, Touching heart o Torn heart, Transforming lives o Destroying lives” Pero ganun pa man, bago ko isarado ang panuntunan ito. Ito lang ang masasabi ko “Nasa dulo ng pulang pen ng titser ko ang grado ko at tiyak umiinit na ang ulo niya sa kababasa nito at kaya naman titigilan ko na ito bago pa ako magmukhang kontrabida.”